毛毛日日反覆思量到底點先可以喺office入面肉體存在但係精神消失，不過竟然有人可以精神同肉體都一齊消失咗六年都冇人知，仲要?足咁多年糧呀！師傅！請受毛毛一拜！

呢邊就有人日日返工都冇糧出，但係喺世界嘅另一邊，就有人冇返工足足六年都照有糧出，公平咩？！

有位喺西班牙扮工嘅打工仔係呢個水務機構嘅職員，佢足足曠工咗六年都冇人發現，但係就照袋咗大約32萬港紙嘅年薪呀！！！咁都冇人發現係因為佢原本間公司同另一間公司合作嘅時候，兩間公司都以為呢條友喺對方嗰度返緊工，所以佢就兩邊都唔返，射波射到底～

最後畀人發現咗，都淨係判佢賠返24萬港紙左右咋，即係一年人工都唔夠，但係白?咗成五年人工呀～～

不過可能毛毛都係自己FF如果消失咗會有人搵毛毛，個真相應該係毛毛冇返工都冇人知，冇人醒起乜原來有呢個人嘅咩......

來源：《六點半左右新聞報道》 4/2 亞視永恆，拖薪冇義氣！、metro uk