而家網民咁興改圖，PS大神總有一個喺左近，但通常都係改搞笑圖或者加重裝甲，好少話會有咩感動位嘅，不過今次呢輯改圖，就成個洋蔥收埋咗喺入面喇。

是咁的，有位台灣網民話佢爺爺嫲嫲後生嘅時候離咗婚，將啲合照都撕爛晒，而家嫲嫲住緊加護病房，希望同爺爺一齊返，所以就想請一眾PS大神幫手砌一張結婚相送畀佢哋老人家開心下喇，冇得真影，有張相睇下都好嘛。

咁多位PS大神睇到個post就即刻出手呀！西式著婚紗禮服嘅又有，睇下爺爺著起套西裝幾型仔呀～

中式傳統裝又有～見到真係想講返句百年好合，永結同心呀～

仲有日式、vintage、free style嘅都有！唔知爺爺嫲嫲又鍾意邊款多啲呢，希望佢哋今次結婚之後，可以好似童話故事結局咁，開開心心一齊生活去啦，仲有希望嫲嫲可以快啲好返啦！

封面圖片、資料來源：●【爆廢公社】●

延伸閱讀：【好大個洋蔥】唔該PS大神幫我P走綠色衫嗰個人！