噚日周浩鼎除咗表演咗為全香港人流嘅高清全透明眼淚之外，仲講咗個驚為天人嘅好消息，就係東涌嘅戲院會留底呀，不過東涌人就唔係咁講啵！

方國珊問起周浩鼎戲院單嘢，周浩鼎好得戚咁話「跟進咗啦，嗱你唔知就唔好亂講喎，我跟進咗個戲院會留返喺度！」

但係東涌人facebook page就咁樣樣講喎！大字標題話「欺騙選民證據 - 假扮 跟進戲院 周浩鼎你呢個仆街」，話佢哋跟進戲院問題進跟到成隻狗咁，但係周浩鼎就咁下電視噏吓就話解決咗，睇得出真係相當氣頂下。

毛毛作為新界東補選一次性即興特派記者，即刻打電話同有關戲院了解下，就憑廣東話請按1字之後等到第9個選項先係有機會有真人接聽再響到耳仔都熟都係未有人理毛毛，毛毛就知道佢哋爭取戲院留低係有幾咁艱辛呀，好心鼎你就唔好爭功爭唔切啦！

來源：TVB J、東涌人 Ting Chung Future

（吸一大啖氣）新界東補選參選人包括：1號劉志成、2號黃成智、3號周浩鼎、4號梁思豪、5號方國珊 6號梁天琦同埋7號楊岳橋。