仲記得以前住hall嗰陣，毛毛最鍾意就係執到間房好整齊㗎喇！因為……都冇人約我出去玩……成日留喺房度冇嘢做咪惟有執靚啲囉……不過如果我係住喺強國呢間中學學生宿舍嘅話，應該點執都晒9氣……因為佢間房入面竟然生滿青苔呀!

話說有個學生家長送佢個侄女返宿舍嘅時候驚見呢一幕！成間房完全冇裝修可言，一地都係水唔講仲以為間房落過大雨嚟呀！最誇張係半邊牆都生滿晒青苔，喂今次真係請吸濕大笨象嚟都搞唔掂喎！

其實樂觀啲諗，話唔定間學校係想訓練學生嘅刻苦耐勞能力，培養佢哋對大自然嘅興趣啫！用心良苦㗎真係！

之不過個家長唔明白學校嘅苦心仲走去投訴，搞到原本住喺呢間房嘅同學仔而家要搬去第二間房度住喇。學校仲話已經起緊新宿舍，喺佢起好之前會好好咁教育班學生點樣保持房間清潔喎。計毛毛話仲使乜搞咁多嘢吖，直接成間砍掉重練好過啦唉。Between，其實之前香港都有hall冧天花啦，

而家只不過係生青苔咋嘛，都未有生命危險（好似係），冇事嘅冇事嘅。捱下苦啦後生仔，55。

封面圖片及資料來源：阿波羅

回帶：住hall都會冧天花？！