從前，有個細路，有一日，佢死咗……唔知毛毛女人a.k.a.老母係咪學咗麥太嘅講故事方法呢，每晚佢都可以用唔超過一分鐘嘅時間，講一個有齊起承轉合嘅故事畀毛毛聽！而美國都有一班小朋友齊齊講故事畀流浪狗狗聽喎～

嗱，呢班小朋友唔係貪得意先同狗狗傾計㗎，佢哋係參加咗個義工計劃，負責講故仔畀狗仔聽，等佢哋冇咁驚人之餘，仲順便訓練埋小朋友嘅朗讀技巧，真係好有意義呀～

不過唔好以為就咁跟住本故事書講好易呀，班小朋友都訓練咗十個月先可以講故仔畀班狗仔聽㗎，吖～唔知佢哋會唔會讀到好似好假的肥仔咁呢？

BTW，隔住塊玻璃又講晒雞腸咁，唔知班狗仔係咪真係聽到又聽得明呢？

封面圖片、資料及圖片來源：boredpanda