呢排外國嘅阿爸阿媽興出賣自己細路玩捉衣因嘅相，班細路深信你睇我唔到你睇我唔到，藏參地點非常之有創意，搵到班大人真係忍唔住笑。話時話喇玩咗咁耐捉衣因其實人諗過點解捉衣因叫捉衣因嘅。

呢兩個都係差少少就可以收埋個頭。

唔知係咪毛毛睇得戲多，第一眼覺得係個細路擺個假人喺度伏佢老竇。

呢個小朋友其實醒㗎喇，識得四面都遮實自己，不過係衰在個盒透明啫。

毛記國際捉衣因心理學研究小組為大家總結一下，其實小朋友最鍾意嘅隱身方法係⋯⋯

就係遮住個頭喇！不過毛毛心諗其實班老豆老母都唔係真係想同班細路玩捉衣因㗎啦，只係想搵個理由由個仔自己企埋一邊靜靜地唔好嘈佢啫。

其實毛毛同班朋友玩捉衣因為咗好多年，明明都唔係收得自己好埋，但係點解一直都未有人嚟搵到毛毛......

資料及圖片來源：Daily Mail