眾所9知，好多鍾意影相嘅人都會去西環碼頭影一影個「天空之鏡」，不過影唔影到都要睇下你好唔好彩㗎，毛毛早排先去過咋嘛，嗯，不過個地下就冇水囉。聽講而家呢塊「天空之鏡」仲可能要同大家講bye bye?......

今日，西環街坊阿Sam話見到西環碼頭已經開始起緊鐵欄，咦，咁海天一色嘅靚景咪會冇得影囉？佢仲話呢啲鐵欄係「堅離地議員之作」?......

Hey，人哋專登起鐵欄都係為咗大家嘅安全著想啫，你哋影唔到靚相事小，萬一陣間有人跌咗落海，咁點算喎！！！

btw，其實好耐之前都已經有人話「天空之鏡」會因為碼頭嘅路面修補工程而消失㗎喇，而事實上，塊「天空之鏡」都真係變得愈嚟愈細......唉，點解喺香港影張靚相都好似咁難咁嘅？

封面圖片及資料來源：Sam Choi／西環變幻時、C Chow／YouTube