一直都話大台放眼國際,注重唔同國籍人士(定一個國籍?)嘅需要,所以大台呢排就搵咗麥明詩去英國拍旅遊節目,嘩!搵得劍橋港姐麥明詩,就梗係順便去埋佢母校劍橋啦!但點知......冇人識佢哋喎?
話說當麥明詩參加劍橋大學學生會嘅春季舞會嗰陣,本來都好哋哋、同班鬼仔有講有笑嘅......
但當大台攝製隊成班人入到會場嘅時候,就即刻引起在場人士懷疑......喂,你邊位呀?港姐?睇過,邊度港呀?有媒體更加話乜港姐唔係應該美貌與智慧並重㗎咩?點解麥明詩啲口材好似唔係幾好咁嘅?
最後,學生會就CALL咗實Q,趕走咗麥明詩同大台成隊crew。事後大台監製張志明就話喎,佢哋有申請拍嘢㗎,只係當地學生唔想畀人影到飲醉酒,所以先請麥明詩同隊crew走喎!
唉,毛毛好明白冇人識自己嘅感覺,麥明詩你真係好可憐呀,嗚嗚......
資料及圖片來源:The Tab