當毛毛以為呢一世都上車冇望嘅時候，將軍澳呢個區議員就用例子講咗樣好勵志嘅嘢畀毛毛聽，原來攞綜援都可以住私樓㗎（好似係）！嘩，毛毛嘅人生突然充滿晒希望喇！

事緣最近有網民見到將軍澳呢個區議員貼咗張poster出嚟，話要送煤氣爐畀有需要嘅人士喎，而對象就係住喺君傲灣、天晉一期及富康花園呢類冇返幾百萬都買唔起嘅私樓入面嘅綜援家庭同長者呀！

嗱，毛毛都知你哋應該對於呢類私樓冇咩概念㗎喇，而家就等毛毛帶你哋睇下佢哋核心嘅外圍啦！君傲灣就咁樣嘅～

唔使毛毛講都大大隻都寫住啦～

呢個就係富康花園喇～

老老竇竇，你話住喺入面嘅長者有需要毛毛都明明哋吖，送煤氣爐畀住喺入面嘅綜援家庭係咩玩法呢？唔通佢係想幫社署捉嗰啲呃綜援嘅富戶出嚟，專登嚟招引蛇出洞？定係真心想關心住喺私樓入面嘅基層呢，毛毛真係望唔透！

唉，不過好似毛毛呢啲廢青，又冇得拎綜援，又住唔起呢啲私樓，即係連想要個煤氣爐嘅資格都冇啦……毛毛望住呢啲私樓嘅感覺，就好似望住女神咁，知道自己呢一世，無論幾努力，都入唔到去……住……

封面圖片、資料及圖片來源：Alan Au Yeung、蘋果日報、美聯物業​