近日有個本土激進組織，四圍喺街上面設位外星勢力根據地，毛毛帶大家密切關注一下！

呢個自稱本土貓奴前線嘅組織用之前梁天琦參選嘅banner加個紙箱，整成咗一間可以遮風擋雨嘅貓屋，仲整得幾精美喎喂。





唔止實淨同埋有前後門，入面仲有用毛巾做嘅床?。好似唔止喵星人，一班網民都話想住...毛毛仲發現到一則神秘留言，懷疑有人同外星勢力交流......


其實好多時搞完一次活動啲banner就冇用，張banner又厚又實淨，就咁扔咗佢真係好浪費，用嚟整貓屋真係唔錯喎，不過唔知如果係用禮義廉嘅banner有冇貓肯住呢。

圖片來源：本土民主前線