以前毛毛去拜山嗰陣，間唔中都會見到啲流浪毛孩，佢哋好乖㗎，就算毛毛想摸佢哋，佢哋都唔會嫌棄毛毛隻毒L之手，畀毛毛任摸～有隻仲好鍾意畀人摸肚仔㗎！不過近呢幾年，毛毛已經好少見佢哋出現......

最近，有網民Kaya Leung話收到墳場寫字樓嘅通知，話漁護署會派人去一個位於九龍區嘅墳場全面捉狗？

而喺今日下晝兩點左右嗰陣，呢位網民仲話：「漁護處已到了！但只得一隻狗狗出現，現在只能夠帶牠逃跑去山頂。」

喂，老老竇竇，毛毛真係唔係好明，點解啲流浪毛孩要去到「逃跑」呢個地步？到底係狗狗影響緊人類生活，定係我哋影響咗佢哋嘅生活呢？

其實佢哋無家可歸已經好慘，仲要唔係日日都有飽飯食，佢哋都係想有個山頭做棲身之所啫......佢哋又冇搶學位，又冇搶奶粉乜乜物物，點解咁都容不下佢哋啫？

封面圖片及資料來源： Kaya Leung／唐狗會學習營