仲記唔記得呢個史上最sad豬爺爺呀？整咗足足12個漢堡包畀6粒孫食，點知最後得一粒乖孫返嚟食嗰個呢？

睇見爺爺咁失望嘅樣就戥佢慘慘豬呀，真係好想摸下佢個頭，再大大力攬實佢呀！

不過呢，又唔使咁灰喎，佢班孫仔孫女，見到爺爺張相之後，都明白到愛‧回家呢個咁有親切感嘅大道理，返咗去陪爺爺食包包呀！你睇爺爺即刻笑到見牙唔見眼，幾kai針呀！

原來班孫唔係特登唔返去陪爺爺咁不孝㗎，一日最衰衰其實係個老竇，即係爺爺個仔呀！佢因為太忙，所以唔記得咗叫班細嘅嗰日返去食漢堡大餐咋～

其中一粒孫仲話，「老人家唔會永遠都喺度，我哋要好好珍惜佢哋」。咁簡單嘅道理，希望大家都明啦，一家人，最緊要齊齊整整嘛！

封面圖片、資料來源：英國《每日郵報》

回帶：【要哭哭了】爺爺整咗12個漢堡包 點知得一粒孫返嚟食