喺街撞到唔係好熟，或者曾經好熟而家唔熟嘅舊朋友，傾到咁上下，你會講啲咩嚟完結呢個咁尷尬嘅對話呀？三，二，一，係咪「得閒飲茶」呢？不過九成講完都冇咗回事，嗱，請佢飲呢支茶，實80歲都仲記得你呀！

有個台灣網民話自己喺便利店買咗枝烏龍茶嚟飲，點知飲到一半覺得好似怪怪地，一睇清楚，原來係有隻水母仔喺入面呀！啋，我仲想跟你學嘢㗎！

其實又唔使咁驚喎，可能呢款係最新出嘅茶漬海蜇呢！只不過冇換新招紙咋嘛！加料都冇收多你錢，有賺啦，咁都仲唔感恩呀下！

有人話嗰嚿不明飄浮物體唔係水母，只係有菌啫～嗯嗯，不過呢隻咁多腳嘅嘢，就點睇都唔似係菌喇啩……

封面圖片、資料來源：●【爆料公社】●

延伸閱讀：【嘔都嘔唔切】以為係茶葉 一吐出嚟先知原來係...！