早排清明節，毛毛都有去拜下阿爺，祈求佢可以保祐毛毛快啲成家立室。正所謂不孝有三，無後為大吖嘛，毛毛都好想做個孝順仔嘅，所以阿爺你都要爭氣保祐毛毛呀！之但係喺強國有個孝子想搵下阿爺保祐佢嗰陣，竟然唔見咗阿爺個墳呀！！！

乜而家啲阿爺咁曳，同啲孫仔玩捉迷藏嘅喂！不過原來唔係阿爺識自己搬屋咁驚嚇，而係佢被圍住喺間舊年新起嘅廠房入面呀！！！！

老老竇竇，人哋阿爺阿太爺阿太太爺瞓咗喺度咁耐，咁樣就去打攪人哋，唔驚半夜三更彈出嚟嚇人咩？

不過呢啲係膽冇毛嘅毛毛先會驚嘅啫，強國人天不怕地不怕，人哋阿爺都冇有怕啦！所以毛毛懷疑強國人睇鬼片係唔會驚嘅，因為佢哋嘅生活分分鐘仲得人驚過套鬼片本身呀！

封面圖片、資料及圖片來源：廣州日報、東莞時報