聽講而家周圍治安都唔太好，搞到毛毛都心慌慌唔敢四圍走呀，話口未完，又有單綁架案喇！

車上面有個紅頭髮叔叔畀人好似綁大閘蟹咁綁實咗呀！仲好似好辛苦咁一路掙扎一路求救咁?！死啦都唔知佢會唔會有生命危險㗎，有冇人可以去救佢呀？！

發現肉參嘅網友努力咁追上去大賊架車度想救人，點知發現原來畀人綁架嘅係麥當勞叔叔呀！嗚呀，肯肯定揸緊車嗰個係白頭上校！放開個叔叔佢呀！你捉咗佢返去佢都唔會教你跳藍藍路㗎喇，死咗條心罷啦！

封面圖片、資料來源：●【爆料公社】●