細細個?陣毛媽就同毛毛講，話第時大個一定要向上流，要做個上流社會嘅人先叫做有出息。毛毛諗咗廿幾年都唔明，點解要向上流先叫做有出息，唔通廢青就代表住冇出息？媽我好亂呀！而最近有位網友搞咗個街上模擬露宿體驗活動，結果畀個港媽鬧爆呀。

呢位港媽話喎，唔明點解個網友要搞呢個活動教班學生瞓街「扮乞兒」，企喺旁邊個阿婆仲轉身射個三分波，直線咁話自己粒孫而家讀緊聖咩咩小學，好叻仔咁話喎。

咪住先，邊個話讀名校先叻仔㗎？毛毛覺得呢班敢於了解、關心其他階層嘅學生先係堅﹒叻仔呀！電視都有拍過啦，《窮富翁大作戰》搵咗成班所謂上流人士或者係中產去體驗基層生活：

唔通佢哋成班都冇出息喇喎？同理心嘅嘢，你真係識條鐵咩。

希望參加過呢個活動嘅學生可以記住你哋嘅感受同埋講過嘅嘢，香港嘅未來就靠你哋喇！

圖片來源、資料來源：Peter Chiu、關懷貧窮學校