受到李氏力埸影響，華南沿岸地區嘅市民都係要照常返工返學，而今朝毛記電視天氣報告小隊亦場外目測到深水埗河嘅氾濫情況，即刻同大家睇下。

本台收到一名師奶投訴落場雨都搞到洪水泛濫咁。消息指本港市民再次大規模召喚馬浚偉，馬仔表示好忙。


圖片睇嚟水勢都幾急吓，連阿叔都到幾行，啲細細粒嘅小學生如果一個唔小心喺河中心跣低咗，真係分分鐘畀河水沖走呀。

呢次水上活動出動到好多個強壯嘅王喜去營救班困喺河中心嘅小學生，消防哥哥真係好man呀！

天文台同教育局真係有心喇，學校區浸到成個海咁都唔停課，等班學生唔使去泳池都體驗到游水堂嘅樂趣，咪冇得賴做功課做到冇晒運動時間囉，真係用心良苦呀～