平時睇MV都要打橫嚟睇先開到full screen，最近日本仔就發明咗一個打直嚟睇嘅MV，就係日本女子組合 lyrical schoo首《RUN and RUN》個MV喇，打橫部機嗰下都慳返，真係唔錯喎！

自之前日本出咗套用埋手機一齊睇嘅鬼片《手機有鬼》，而家有有個專用手機睇嘅MV喇，睇嚟日本人真係好鍾意玩手機呀下。毛毛都即刻搵手機開嚟睇下先！



有網民話見到部手機突然去返lock screen，仲自己打埋密碼?，以為自己部手機撞鬼呀！之後有個㗎妹彈出嚟先冇咁驚咋！


成個mv好似玩緊twitter同send緊message咁，個screen自己彈嚟彈去，好似同緊㗎妹聊緊天咁呀！

連facetime都玩埋，咩分唇都有齊，唔講以為係電話廣告嚟呀～

唔知遲下韓國會唔會又出啲專係畀手機睇嘅韓劇，畀啲妹豬同啲阿仲基Oppa send message 玩 facetime，全港真係每條馬路上面都要整返條手機睇片專用天橋先得喇。

來源：《RUN and RUN》MV (原來full screen直倒個mv冇咗，得返呢個版片，睇住先啦)