老老竇竇，毛毛都唔細㗎......嗱，唔好誤會，毛毛話年紀呀（都有成廿零歲嘅）！所以每次睇返啲細細個玩過嘅嘢都特別感動......

想當年，毛毛曾經沉迷過卡game，《遊戲王》更加係打遍天下毛敵手！btw，如果當年畀毛毛有齊晒呢啲牌，而家就唔使冇女咁慘慘豬啦......（係，係冇關係㗎，純粹想幫自己冇女搵個原因唔得呀？）

而最近喺新宿車站，竟然有一塊《遊戲王》劇場版嘅廣告宣傳板，佢由1999年到而家嘅卡牌都有齊晒喎！咩嘢藍眼白龍呀、紅眼黑龍呀，全部一次過騷晒出嚟呀！

唉，不過有齊晒啲神卡又點吖，咪又係得個睇字......就好似毛毛嘅女神一樣，永遠都係這麼近，那麼遠......

資料及圖片來源：twitter/x0jn