聽講相機發明嘅人本身係做影印機嘅，因為覺得畫畫太麻煩（好似係），就諗呀如果人樣都可以好似影印機咁一嘢就可以copy出嚟咁就好喇，於是就發明咗相機喇～ 而家就有人掉返轉，畫到好似影印出嚟咁，勁到冇朋友呀！

毛毛一睇呢幅圖，以為係橋本環奈張相嚟，原來唔係，係用鉛筆畫出嚟㗎！

毛毛估你都係唔係好信㗎喇，嗱畀張畫到一半嘅石原聰美你睇，堅係一幅畫㗎。

仲有毛毛嘅女神YUI同有村架純呀，個眼神都畫到十足十，點做到㗎？


呢個勁過部相機嘅畫家就叫古谷振一，係日本好出名嘅素描鉛筆畫大師，一枝鉛筆就可以畫到咁靚嘅畫真係好抵玩喎，唉毛毛淨係識畫火柴人咋......

好！毛毛從今日起決定學畫，用鉛筆畫打動女神（起碼慳返啲顏料費吖嘛），而家練到八十歲應該畫到咁上下可以追到女神㗎喇......

圖片來源：古谷振一