唔知妹豬們揀男朋友有咩條件呢？聽講都不外乎靚仔呀有型呀夠高呀溫柔呀細心呀搞笑呀又帶點不羈呀咁囉，聽落好高要求，但其實唔難搵到呀，鍾意小朋友呢個point先係終極boss呀！而家好少仔仔鍾意小朋友㗎，好多都會嫌佢哋煩嘅！

不過台灣呢個暖男車長就唔同喇！話說有網民話搭緊火車嘅時候見到有對推住BB車嘅爸爸媽咪瞓著咗，車長就慢慢咁走咗埋去喇。唔通車長想警告佢哋唔准帶水貨以外嘅大型行李上車？！

原來車長係想睇下BB車上面部風扇仔夠唔夠大風，驚熱親小BB呀，佢仲順便check下個奶樽有冇擺斜咗，驚倒瀉奶呀。車長哥哥咁細心，堅係抵讚！Between，爸爸媽咪又真係瞓得幾冧喎，有生保人行埋BB度都唔知，好危險㗎嘛！

唔使羨慕喎，香港人搭火車一樣有咁warm嘅服務享受返㗎，你睇講鐵職員點樣關心帶大型樂器嘅學生哥就知啦！

封面圖片、資料來源：●【爆料公社】●

＜司機有愛系列＞

【抵讚！】細心巴士暖男幫乘客擔遮

【暖到入心入肺】巴士叔叔放乘客上車避西北風

【司機有愛】停車幫拾荒婆婆推車仔