話說美國紐澤西州有個小學老師阿Chandni Langford，佢見呢排就嚟考試，諗住鼓勵下啲學生，咁咪喺啲學生枱度寫啲打氣說話畀學生囉，仲要個個都寫唔同嘅嘢㗎～

嗚哇，呢個老師真係巧sweet sweet囉！啲學生都話一見到呢啲打氣字句就即刻自信返晒嚟、唔再驚考試咁話喎～唉，如果毛毛以前有老師咁樣鼓勵我，咁毛毛就唔使讀唔成書啦......（不過如果呢件事係發生喺香港嘅話，可能個老師已經比人投訴緊佢破壞公物）

而阿老師寫畀其中一個學生嘅打氣說話係咁嘅，佢話想成功係冇得搭lift，一定要行樓梯喎～

btw，雖然呢件事係好sweet sweet，但毛毛想喺度提返大家，呢件事唔係個個做都有相同效果㗎，er......即係咁，如果寫打氣字句嗰個係你腦細嘅，咁成件事咪即刻唔同晒囉。真係諗起都打冷震！！！

圖片及資料來源：timesunion