強國公安出晒名做嘢有效率，辦事能力高，相信唔使毛毛講大家都知。睇啲公安嘅微博，每捉到一個疑犯就會影相放上網，仲會幫佢哋打各種唔同嘅馬賽克，真係夠晒公平公正公開呀！不如等毛毛同大家一齊睇下公安喺打馬賽克方面嘅歷史演變過程吖！

呢張經典真係冇得輸，毛毛每一次睇返都好敬佩強國人嘅簡單同直接。係咯，話明打馬賽克，咪真係加馬賽克三個字上去囉，唔使轉彎抹角，呢種處事手法真係好值得我哋學習。可能班公安覺得就咁加文字上去唔能夠表達到佢哋嘅創意，於是又出現咗呢款萌之馬賽克呀！

嗱你哋唔好笑呀，加咗呢啲公仔stickers上張相度即刻可以令到公安嘅親和力up up up㗎！香港班慈母唔該就學下嘢啦，下下用手臂延伸保護市民我哋都睇到悶喇！

好喇，介紹返，而家公安最新式嘅馬賽克就係…直接加張明星相上去呀！一秒變靚仔靚女，既方便又快捷呀喂！

睇完之後毛毛都忍唔住要讚揚祖國嘅偉大呀！估唔到身為公安，原來P圖先係最叻㗎喎！

圖片來源、資料來源：平安武漢

強國馬賽克之演變過程：【終極智將】公安幫疑犯打格　竟然係加馬賽克三個字？、

【萌之馬賽克】強國公安用sticker幫疑犯遮樣 會唔會cute咗啲？​、

【冷漠之馬賽克】深圳交通警咁樣幫疑犯打格？