唉，真係世風日下，道德淪亡呀！光天化日之下，竟然有小偷公然喺便利店偷嘢，實在太過份喇！

你以為你喱埋喺度其他人就見唔到你喇咩？冇用㗎，你個大屎忽已經徹底咁出賣咗你喇！人嚟，同毛毛抱住個小偷！

咦咪住先，睇清楚啲，上面個爐係賣緊熱狗㗎喎，大家都係狗，唔通……佢只係喺度準備緊整熱狗嘅材料，佢嘅真身其實係呢間台灣便利店嘅店員？

聽講原來呢隻柴犬同佢主人都係呢間便利店嘅熟客仔嚟，成日都會嚟幫襯，所以店員都慣晒㗎喇，得閒咪叫佢幫手點下貨呀，招呼下客人呀咁囉！

啊唔好意思，係毛毛有眼不識柴犬，唔阻你做生意喇，冇咩事毛毛自己出返去先。

圖片來源、資料來源：呂敘廣、陳祐、Jeannie Cheng