毛毛呢啲衰仔同阿嫲飲茶都成日話唔得閒，又冇載過阿嫲出街（因為毛毛根本冇車），見到呢個畫面，真係覺得超溫馨，即刻想返去請阿嫲飲茶呀～

有台灣網友喺馬路上見到呢個畫面，目測佢哋係一對嫲孫／婆孫，即刻滾動到影相放上網讚下呢位乖乖嘅孫仔。細細個畀嫲嫲孭住攬住嫲嫲背脊，大個咗就交換位，載嫲嫲出街到嫲嫲攬住自己背脊，係愛呀哈利！

正所謂有嫲的孩子像個寶，毛牌研究發現，由阿嫲湊大嘅細路幸福值係十倍～ 唔知係咪台灣人嘅嫲孫關係特別好，台灣有一個超出名嘅可愛阿嫲成日分享佢同孫仔嘅生活，個個post都爆多like呀。


佢哋又溫馨又搞笑，雖然嫲嫲成日話孫仔呢樣嗰樣，但係其實每句嘮叨都係充滿愛㗎。

孫仔都好?嫲嫲，今個月佢生日，仲買咗個大蛋糕同佢興祝呀～阿嫲個開心樣真係好可愛～～

即係老套講句，要好好孝順身邊嘅老人家呀，如果香港地個個老人家都可以咁開心咁就好喇。

圖片來源：‎高鴻儐、邢黃滿金