夠喇……平時喺街見到一街都係情侶已經好L嬲，諗住返屋企望下缸魚自閉啫，使唔使連魚都要放閃呀，放過毛毛好冇？

我知，我知你哋好恩愛，但都唔使喺水入面錫錫㗎？驚唔驚窒息呀下你哋？

毛毛覺得，排喺後面望嘅嗰條魚exact7ly就係自己，有得睇，冇得食……不過點解望望下，條魚再加埋嗰條蠱惑嘅水草有種似層相識嘅感覺嘅……？

真相，永遠只有一個！冇錯喇，呢個樣，咪就係柯南入面嗰班黑衣人個樣？！喂簡直係100％match喎！

嚇死人咩咁似樣，個心離一離呀！Between，原來黑衣人對眼係兩條白色魚嚟，你叫毛毛以後點樣面對佢哋呀下……

圖片來源、資料來源：tendonman_scp/twitter