多謝阿媽！多謝腦細！終於都畀毛毛捱到去月頭，終於都出糧，唔使再食垃圾喇，喊出嚟！身為一個愛國份子，毛毛已經plan好咗今晚要去食日本嘢，實行用港幣將日本貨下架！

咩話，呢個魚生飯係假嘅，係用黏土嚟整嘅？唔會㗎！一定係幻覺嚟！你嚇毛毛唔到嘅！邊有黏土可以整到咁神似㗎？你睇下啲魚生仲要係透明發晒光咁㗎喎！

其實呢啲全部都係日本一個手作達人整㗎，睇佢個twitter仲有好多其他神還原嘅黏土食物，真係睇見都想食呀！

老老竇竇點解可以似到咁，呢個手作達人是咪有廿隻手指㗎下？

唔得喇，毛毛頂唔緊喇，我……竟然連黏土都想食呀嗚哇！大夫～救毛毛呀大夫～

圖片來源、資料來源：kasuga_maru/twitter