2016年06月04日 星期六
【個心離一離】將條鞋帶綁成咁是咪有心嚇死人？
其實世事都唔係一就一，二就二，燒賣就燒賣嘅，有好多嘢都係在乎觀點與角度，睇你點睇嘅啫。
就好似呢堆燒汁魷魚咁呀，就咁睇係好好味嘅魷魚，但如果畀啲想像力，其實又幾似一堆嘴唇喎……再想像下佢哋個豐唇對住你開下合下，嗚呀，真係回不去了呀！不過睇落似另一樣嘢嘅，又點止呢堆燒汁魷魚！
嘩！真係心血少啲嚇到個離心一心呀！咁Q大隻蜘蛛隨街走都有嘅！夜媽媽行行下樓梯見到都咪話唔會尖叫呀！不過！冷靜啲！吸氣…呼氣…再睇真啲，原來係抽鞋帶嚟啵。綁成咁是咪有心想嚇屎人先？
其實幾冷靜都冇用啦，對驚蜘蛛嘅人嚟講，任何稍為有1％似蜘蛛嘅嘢，都足以嚇屎佢哋。就好似呢隻硬膠髮夾咁，都為怪獸世界帶嚟唔少尖叫聲同電力㗎……毛毛唯有喺度呼籲蜘蛛俠a.k.a.失敗的人好好管理佢嘅同類啦，多謝合作。
封面圖片、資料來源：PTT
延伸閱讀：
