唉，早幾日呢，毛毛又因為屯門大塞車搞到遲到喇，仲畀腦細問候是咪想back after dinner囉……所以話呢，識返工一定係踩單車返，係就係攰少少，勝在慳錢又環保之餘，仲可以將車程掌握喺自己手中呀嘛，唔使因為塞車或者班次延誤而遲到！

不過如果一個唔好彩，你嘅戰友，即係架單車唔舒服就慘囉，晨早流流都唔知去邊度搵個醫生畀佢睇呀。

台灣有個網民個讀緊中學嘅仔就係被選中嘅不幸細路喇，真係一朝早發現單車個前轆壞咗喎，咪拎去學校附近嘅單車行囉，點知又未開門，所以就擺低架車喺門口，再寫張字條麻煩老闆幫戰友睇睇病喇。

點知阿仔放學去拎單車嘅時候，竟然見到老闆覆返佢張字條，話唔收佢錢，最緊要係阿仔畀心機讀書同孝順父母呀！嗚呀，單車無情，但係好彩人間有愛，咁好嘅老闆你話邊度搵呀！阿仔，你一定要聽教聽話，唔好辜負老闆一番心意呀！

封面圖片、資料來源：余昕芯／●【爆廢公社】●