身為一個毒L，最幸福嘅事就梗係一直匿喺間房度對住部電腦唔使出街啦！之不過人係會肚餓嘅，毛毛呢啲廢青仲未練到可以唔飲唔食呢個境界，所以都係惟有死死地氣落街叫外賣啦。老老竇竇，有時對住啲快餐店妹妹，毛毛都真係會怕醜到唔敢開聲……好彩，有日本網友就突破盲腸，發明咗一個唔使講嘢都可以落到單嘅方法呀！

首先你要有一部搖控車，再喺上面寫低你想食啲咩，黐埋錢就搞掂喇！跟住落嚟要做啲咩？唔係仲要毛毛教下嘛！

梗係駛入去間外餐店度叫個店員收錢做嘢啦！人哋外國啲咩「齋呼」，即係drive-through外賣服務，都係咁樣咋嘛！咩啫而家搖控車唔係車呀，嗯，即刻覺得自己成為咗有車階層，high卡sss咗好多呀！

我揮一揮衣袖，帶走咗一個包……你話喇成件事係幾咁瀟灑喇。Between，唔知幾時會有人發明埋「小巴唔使出聲就可以嗌有落系統」，幫下天下間嘅迷途小毒L呢……

圖片來源、資料來源：jun1218_/twitter