毛毛以為平時自己一個去睇戲都已經叫做好毒……啊I mean係好獨立呀，點知最近喺強國竟然有男人帶埋自己個吹氣女朋友一齊去睇戲喎！果然係一山還有一山高呀下！

到底係咩戲巴閉到要請埋mary去睇呀？咪就係呢套由遊戲改拍而成嘅《魔獸爭霸》電影囉，聽講啲game迷期待咗好耐㗎喇！有好多人仲打扮成遊戲入面嘅角色去睇?喎！

而呢個強國男都幫Mary著上咗件部落衫，實行要情侶衫咁話呀！佢仲好細心咁推住呢位傷健少女去買飛，嗯，果然係一名痴情嘅男子。

不過阿痴心情長劍你好似唔記得咗，呢套戲係3D嚟，你唔記得幫Mary戴眼鏡呀喂……之但係帶Mary去睇戲嘅好處就係，就算佢嬲，佢都唔會出聲；佢睇唔明個劇情，都唔會係咁問問問……

毛毛要喺度多謝呢位強國男人，係佢畀咗勇氣毛毛，下次睇戲終於可以唔使淨係帶左手去睇，可以帶埋毛毛個Mary去喇！

圖片來源、資料來源：福州今日熱點／微博