有人話，靚女嘅定義就係眼大鼻高嘴細下巴尖……諗落又好似真係喎，九成九毛毛嘅女神都符合晒呢啲條件嘅～不過咁，當連的神身邊條女（人稱小莉）都有齊呢啲條件嘅時候，你就知道淨係有齊呢啲條件係唔夠，起碼都要好似強國Elsa咁再進化先夠做！

話說噚日有位來自河北嘅網友就upload咗兩張強國Elsa像嘅相上微博，估唔到呢兩張post唔夠一日就已經有超過二萬個share！大家睇下，強國Elsa就是強，連對眼都大對過人，眼神楚楚可憐得嚟又帶幾分令人想打7佢嘅感覺～

再睇真啲，真係神還原！i mean係神還原咗蛇精男個樣呀！！！

而蛇精男知道之後，仲叫大家去排隊搵「晨寶寶」合照?～（留意返，雖然有傳聞話呢個Elsa像喺迪迪尼入面，但原po其實係冇提過喺邊嘅。）

btw，雖然呢位強國elsa公主已經好努力咁向蛇精男學習，毛毛都表示欽敬，但毛毛覺得唯一美中不足嘅係……個下巴未夠尖囉。

你都係扭曲下空間先啦！

圖片及資料來源：江離濁酒／微博、劉梓晨的唯一私人小號

回帶：【嚇死人咩】白雪公主咁樣樣

又回帶：【嚇死人咩2.0】強國柯南咁樣樣