老老竇竇，毛毛真係好想知，其實女人鍾意男人有毛毛定冇毛毛㗎呢？有就好似唔夠乾淨咁，但冇又唔夠man喎，搞到毛毛都唔知剃好定唔剃好……嗱，好似呢個日本仔咁淨係剃一半，咁咪又man又乾淨囉～仲好潮?！唔信睇下：

是咁的，話說有位日本網民就post咗兩張肉腿照上twitter，話因為學校嚟緊有體育祭，所以先剃到咁樣樣喎……雖然毛毛就唔知體育祭同剃腳毛有咩關係，但呢個日本仔竟然連間條脫毛法都畀佢諗到，淨係創意十足呢下都值得毛毛畀個Like佢啦！

btw，聽講橫間條會顯肥，不如下次等啲毛毛生返出嚟嘅時候試埋剃直間吖～再唔係溝埋一齊變格仔又得，得咗！

圖片及資料來源：minashinnn0320／twitter