早排天氣潮濕，毛毛成日都見有網民話屋企潮濕到生菇，菇菇毛處不在。不過生菇又算得係啲咩吖，最近有網民話屋企個洗手盆連芽都發埋出嚟呀！

是咁的，有位台灣網民就因為讀書，所以好耐冇返過屋企，最近放假返屋企嗰陣，阿媽一見到佢就陰陰嘴咁叫佢望下佢間房個洗手盆有咩唔同，佢一望……個洗水盆識發芽嘅喂？！

仲要係開水喉沖都沖唔走嗰隻……見到呢兩棵喺強勁水柱沖洗下依然屹立不搖嘅芽芽，突然有種「生命滿希望，前路由我創」嘅感覺。

btw，兩棵芽芽咋下話？有網民屋企連豆豆都生埋出嚟啦！

不過講到大佬喇喎，應該呢個先至係：

嘩嘩嘩，發芽發到咁，睇嚟要用樹嘅magic card將佢哋封印先得嘞！

嗯，希望屋企成功發芽嘅網民唔會好似之前食沖涼房粒菇落肚嗰位日本仔咁傻豬豬，食埋啲芽芽落肚啦……

圖片及資料來源：dcard