講起電單車，你會諗起咩先？肥過電單車呀，定係型到喊嘅華Dee呀？

講真，拍埋架電單度，又唔係人人都會好似華Dee咁立馬型仔度UP嘅！邊個話電單車哥哥一定係又cool又飛仔feel㗎？暖男配電單車，係就係有啲唔太match，不過就不知幾正！

最近有網民影到有個暖男電單車哥哥救雀仔嘅英雄故事！話說電單車哥哥第一次經過嘅時候見到有隻雀仔企定定喺馬路中間，喂喂，horse road如tiger mouth呀雀仔，仲唔自己閃開？

之後電單車哥哥就特登兜返轉頭，停低架車去抱起雀仔去一個安全嘅地方，成功救咗呢隻有腳嘅雀仔喇！

雀仔就話好好彩有暖男救佢呀，但呢隻牛女就冇咁好彩喇。早幾日有隻牛女畀人發現倒斃喺西貢路邊，懷疑係畀車撞死，個肇事司機仲要走咗去。希望咁多位揸車嘅朋友好似電單車哥哥咁，細心啲小心啲，不幸嘅事就冇咁易發生啦。

封面圖片、資料來源： 香港鐵騎館(吹水區)、蘋果日報