毛毛聽大木博士講，只要你一養咗貓，所有原本係你嘅嘢，都唔再屬於你，包括係你間屋、你啲錢、你個人……都要收歸國有，全部畀晒主子。有啲主子仲會喺你啲嘢上面打印，證明已經係屬於佢?呀！

好似呢個台灣網民咁，趕時間諗住嗱嗱聲化個妝就出門口啦，點知一打開盒遮瑕就驚見上面有個掌印呀！唉少女你太年輕了，其實主子咁樣都係為你好咋，幫你打個印盒遮瑕咪即刻變咗別注限量版囉！而且呀，主子想化妝就化妝㗎啦，唔係要問過你呢個剷sss官呀？

不過毛毛最好奇嘅都係，到底主子係點樣打開盒遮瑕嘅呢？有個蓋㗎喎……唔通佢哋真係進化到咩都識開？鳴哇，毛毛唔敢再諗落去喇！

有另一個奴才都傷心些牙咗佢畀主子打印嘅經歷呀！今次畀主子睇中嘅，係一塊麵包，果然識食呀下，毛毛糧尾嗰陣都日日食㗎！

偷食唔抹嘴嚟講呢位主子都算係高手，毛毛都真係要跟咁多位喵星人大佬學下嘢呀！

圖片來源、資料來源：榆方／貓咪也瘋狂俱樂部、曾莠筌／貓咪也瘋狂俱樂部