而家啲妹豬去到邊都要自拍是常識吧！尤其是係去旅行呀，由嗰塊登機牌開始影到上機，再影到返嚟香港，實行要全程直擊報道住自己嘅行蹤，等我哋唔使擔心佢，真係好窩心㗎！好似呢個外國女人咁，難得同自己fd子去旅行喎，梗係嗱嗱聲自拍放上網呃like先啦！

咦咪住先，做咩後面有個靚仔亂入嘅喂？仲要笑笑口咁，代表啲咩呢？望望下仲好似幾熟口面咁，到底喺邊度見過佢呢？唔通係喺夢入面……

一切謎底都已經解開喇！原來喺兩年前，呢個女人同fd子去旅行嘅時候都一樣喺飛機影過張差唔多嘅自拍照，而當時都一樣有個男人喺後面亂入！睇睇下，exact7ly咪就係同兩年後亂入個男仔一模一樣囉！雖然個外國女仔話到而家都唔知呢個男仔係乜水，不過咁都遇得返，仲唔係緣份？快啲搵佢出嚟去馬啦喂！

不過都係嗰句啦，你的樣子如何，你的力量也必如何。如果亂入嗰個係毛毛，班妹豬應該會好似影到鬼咁一早刪咗張相之後再啤住我喇，55。

圖片來源、資料來源：Sharon Haak