香港土地問題嚴重，就算真係咁好彩畀你上到樓，間屋鼻SSS咁細間，想話晾件衫都冇位呀！夠位晾咩？件衫又會因為唔通風搞到成世都唔乾，所以咪搞到一街都係床單呀外套呀咁囉。

有台灣網民都遇到同一個問題，不過佢就好叻叻豬咁用科技解決咗問題呀！啲衫乾唔切咩？咪直接套落部風扇度吹乾佢囉！乾衣機咩嚟㗎？食得㗎？

望住件衫飄下飄下，就好似見到日本嘅鯉魚旗隨風飄揚咁，即刻有種好似置身於日本嘅感覺，你都咪話唔relax呀。

不過個網友post完呢張相上網之後，好快就畀其他摩擦力很強嘅網友發現，咦喂後面個男仔係度上緊咩網呀下？

唉，睇嚟土地問題已經蔓延到去台灣喇，諗諗下毛毛打丁嗰陣有得關門，原來已經好幸福㗎喇嗚嗚（雖然老母成日撞門入嚟。55。）

圖片來源、資料來源：dcard