話說，雖然毛毛女人 a.k.a.老母煮嘢食好叻，但間唔中毛毛都會忍唔住撚返兩道拿手小菜，例如好似腸仔炒蛋或者蛋炒腸仔咁啦，永冇失手！絕對唔會好似呢個台灣網民咁，犯埋啲低級錯誤囉！

成語博士都有教你啦，咩衣冠禽獸呀、外表斯文內裡open呀咁，都係想話畀世人聽，凡事唔好睇表面！個布丁望落正常，其實暗藏大量嘅…鹽？唔L係啩，整布丁落鹽，究竟係咩玩法？

落錯咗就係落錯咗，都冇得返轉頭，但呢個網民依然仲耍死雞撐飯蓋，話係因為太似呢包糖先會搞錯喎！

唉，好心啦，咁大個人，錯就要認…要對方認！最衰一定係包鹽啦，好哋哋扮到成包糖咁做咩啫？

封面圖片、資料及圖片來源：ptt