傳說中，飲奶茶係可以通便嘅，仲有人話一日唔飲奶茶，一日都去唔到廁所?！不過如果係呢杯特製奶茶嘅話，就唔止通便咁簡單喇……話說最近有位網民食嘢嗰陣就叫咗杯奶茶飲啦，點知佢差唔多飲晒杯嘢先發現……杯奶茶入面有檸檬嘅？！

毛毛仲以為淨係檸檬茶呀、檸蜜呀、檸樂呀咁先會有檸檬，點知原來而家飲奶茶都興落檸檬㗎？而有另一位網民都表示自己曾經都試過飲到「檸奶茶」喎。

btw，乜檸檬唔係唔溝得奶㗎咩，聽講檸檬溝奶會屙足七七四十九個時辰㗎喎……不過咁，「檸奶茶」又點吖，百潔布奶昔咪又係咁，冇事嘅（好似係）！

嗯，希望事主出完post之後個肚仔會冇事啦。

圖片及資料來源：‎‎Karen Yip‎、Wolf Ng、蘋果日報

延伸閱讀：【唔L係掛】奶昔啜出一堆百潔布