呢排天氣熱到咁，毛毛都好想去沙灘浸下水呀，之不過邊有人約喎……但毛毛聽啲去咗沙灘玩嘅網民講，話最近香港啲沙灘突然飄咗好多印住殘體字嘅垃圾嚟呀！

有關注香港海洋嘅團體就喺大嶼山嘅長沙海灘度見到一地都係垃圾，毛毛睇到都覺得好心痛呀唉。

除咗長沙海灘之外，稔樹灣都一樣成地殘體字垃圾，密密麻麻到差啲連一粒沙都見唔到，唔講仲以為呢度係堆填區囉。而平時最鍾意去沙灘曬太陽嘅填詞人梁栢堅同LMF嘅老占，都喺赤柱聖士提反灘同下長沙海灘度目撃到呢堆垃圾呀：

毛毛讀得書少，殘體字就唔識㗎喇，不過肯肯定呢啲唔會係香港本土嘅垃圾囉！香港回歸祖國，回歸咗啲咩？嗯，毛毛9估其中一樣應該就係呢啲垃圾喇！樂觀啲諗，香港人連鉛水都一樣咁飲啦，區區垃圾，濕濕碎啦可？

唔知點解，毛毛突然好掛住以前嗰個，啲沙灘好乾淨，行出街唔會周街有人吐痰屙SSS嘅香港呀......55。

圖片來源、資料來源：Ocean Recovery Alliance、Sea Shepherd Hong Kong、梁栢堅、lojimjimmymak/instagram