話說有班空姐最近就收到張神秘嘅咭片，黑黑白白咁好似唔多吉利喎？睇過？好在唔係咩恐怖嘢，但都搞到有啲空姐心都離一離呀！

事關上面印住句「你飛咗，佢做緊咩？」，毛毛9估，嗰「佢」應該係指啲空姐嘅男朋友啦，成張咭想引起人疑心，驚下自己另一半會唔會乘機偷食咁(好似係)。

咩人咁大整蠱呀？原來呢張嘢係由一間偵探社寄出嚟，宣傳手法真係層出不窮！不過有啲空姐就表示好反感，當場撕爛佢咁話。

哎吔，偵探呀偵探，不如查下毛毛嘅女朋友到底去咗邊好過啦！

資料及圖片來源：Super dog and beckham lover