毛毛幾時都話，創作力量同幻想係會嚇你一跳嘅，就好似呢兩個由日本人設計嘅散紙包咁，竟然將《聖經》入面嘅情節完美融合咗落散紙包度喎～等毛毛同大家一齊睇下！

首先係「摩西分紅海」散紙包。

嗱，根據《聖經》記載，摩西喺率領猶太人逃離埃及嗰陣，上帝就畀佢將紅海一分為二嘅。見到佢大小不一嘅波浪紋就知道呢個係紅海嚟啦，而拉鏈上面嗰個就係聞西……呀唔係，係摩西呀！

只要將拉鏈一拉，傳說中嘅「摩西分紅海」就呈現咗係大家面前喇！打開個袋仲見到入面有魚魚?，真係巧打耳呀～

另外，除咗有「摩西分紅海」散紙包，仲有「挪亞方舟」散紙包：

真係裝晒所有飛禽走獸入隻方舟度㗎。

btw，喺你成功「分紅海」嘅同時，都證明你個散紙包入面已經空空如也……冇錢了！

圖片及資料來源：felissimo