你今日玩咗未呀？係呀冇錯喇，毛毛就係講緊呢期全宇宙最hit嘅Pokemon Go喇！呢個game真係紅到大人細路就算返緊工揸緊車定屙緊sss都要照玩呀，除咗瞓緊覺，毛毛真係諗唔到有咩時候係可以令人停低唔捉小精靈！

真係估唔到班小精靈呢期上晒位都唔心足，竟然走去亂入人哋婚禮攪攪震！最近英國有對新人結婚嗰日，先發現婚禮會場原來係其中一個道館呀！

在場嘅親朋戚友梗係立馬拎部機出嚟收服小精靈啦，唔通聽老爺同外父講自己點湊大阿仔阿女又睇你哋交換戒指錫錫攬攬咁悶咩！

呀又估唔到個婚禮會場會有咁多小精靈等人收服，唔怪得之連新郎哥都掉低個老婆仔要去玩Pokemon Go啦！大日子喎，明明新娘先係主角，但就畀堆淨係識叫自己個名嘅小精靈搶晒fo，新娘實好嬲豬啫！

婚禮會場原來係道館，已經令毛毛O晒咀，但係一咀還有一咀O，最令人估唔到嘅係新娘竟然好sweet咁話「我唔知老公仔有冇捉到奇異種子呀，不過佢確實一早捉到我囉～」嗚呀，毛毛都好想做隻小精靈，等女神嚟野生捕捉呀！Catch me if you can！

封面圖片、資料來源：鏡報

＜Pokemon Go系列＞

【係緣份呀】玩玩下pokemon go 竟然野生捕捉到一籠堅﹒倉鼠

【有諗頭】動物收容所搵玩家邊玩Pokemon Go邊幫手放狗

【人類總是…】都叫你唔好去ex屋企捉小精靈㗎啦 畀女友捉到喇！