睇咗《全職獵人》十幾年，毛毛學到嘅就係要愛惜自己身體，健健康康咁先可以同富奸鬥長命，喺有生之年睇到呢套漫畫嘅結局。之但係，理想歸理想，得不到也等於妄想……喺富奸聲稱腰痛又又又要停刊嘅期間，惟有睇住佢啲周邊嘢頂住癮先啦！

嗚哇，係主角之一嘅古勒比加公仔呀！仲同漫畫嘅設定一樣有「緋紅之眼」，兩隻眼識得發紅光㗎！有個日本網民見到佢咁有型，咪諗住買隻返屋企囉！點知咁樣就出事喇……

咦喂，說好的緋紅之眼呢？點解變咗做紅都面埋㗎？第一次見到咁怕醜嘅古勒比加，毛毛……好似有少少鍾意咗佢呀！Any肥，呢位網友唔使崩潰住喎，話唔定呢個其實係限量別注版嚟呢～你睇下，強國都有好多特別版嘅卡通人物啦！

所以唔使咁崩潰喎，個古勒比加都叫做有眼耳口鼻，仲認得出係邊個吖！而且再灰，都唔夠富奸出咗兩話之後又停刊咁灰啦，可？

圖片來源、資料來源：Shu_mrt／twitter