啲人成日話錢唔係萬能，但冇錢萬萬不能，毛毛都唔知係咪真呀，不過就覺得，有錢真係開心好多！

唔好以為毛毛講緊有錢大晒嘅價值觀呀，係講緊原來紙幣真係好好玩！你睇下，摺幾摺，想扁咀又得，想奸笑又得，得咗。

又或者幫偉大嘅毛主席示範佢真實嘅一面呀。

紙幣又點止呢個咁普通嘅玩法呀，學下呢個日本嘅Figure達人啦！佢將一萬円日圓上面嘅福澤諭吉整做Figure，再放返上張一萬円度，嘩！真係好立好體呀！成個福澤諭吉神還原咗出嚟！

睇真啲，個人頭真係做得好仔細㗎，連啲頭髮同眉毛都做到好似真嘅一樣呀！360度零死角美少年仲唔係你？

喂，不過玩還玩唔好熄燈玩呀，想嚇到個心離一離咩！以後去日本玩想拎張一萬円出嚟嗰陣容乜易會凝住有對眼望住自己呀！

封面圖片、資料來源：iwaiwakanekane／twitter