2016年07月26日 星期二
【唔L係啩】睇真啲！個女仔有成三隻手？！
而家啲後生去到邊都要拎起部機影一餐，但原來老竇老母話唔好周圍亂咁影係啱㗎，唔係分分鐘嚇到你鼻哥窿都冇肉呀。最近有日本網民post咗張疑似靈異照，幾日已經震驚咗12K心靈！
嚇到大家安已不嘅，就係呢張相喇。睇落都冇乜特別啫，一個日本妹企喺塊廣告板前面影相咁囉，大把妹豬都係咁通街影㗎啦。
毛毛同同事一齊睇，毛毛就話佢個pose又幾斯文呀，雙手疊住放喺前面～同事就話喇，咩呀佢個pose好老套喎，伸咗隻左手出嚟指住塊廣告板……
咦咪住，咁咪即係佢有成三隻手？！媽，好驚呀！七月都未到，點解會咁邪㗎！
有人話夜晚真係唔好亂咁影，又有人話張相可能係PS過嘅，但係毛毛就覺得佢隻疊喺前面嘅幕後黑手，其實係呢個電話托！呢款假手形電話托又做得幾迫真喎，唔怪得咁多人喺相度睇都以為係靈異之手啦！between隻假手係畀你托電話，唔係揸住自己隻手嚇人㗎。
不過其實日本仔呢個design都唔係好in啫，我哋出色嘅零零發早幾百年都已經用呢個艾啲牙發明咗隻手手出嚟啦！
封面圖片、資料來源： Hirotocchi_613／twitter、amazon
＜疑似靈異照系列＞
