古乳有暈，有頭髮邊個想做幟哥，又有邊個想有近視吖唉！朝朝早起身都要撥著大霧默默地在覓我的去路嘅嗰種感覺，你哋啲唔使戴眼鏡嘅人識條鐵咩！就好似呢個台灣網民咁，一起身諗住搵副眼鏡戴啦，點知搵咗大半日，居然喺呢個地方重遇返佢副眼鏡……

你以為你匿喺一堆電線入面就有用咩？冇用㗎！好似你呢啲咁黑色嘅眼鏡，無論喺咩地方，都好似螢火蟲中嘅漆黑一樣，咁鮮明，咁出眾！Between，唔想戴眼鏡遮住自己個靚仔樣咩？戴con都一樣得！

有另一個大近視網民就開post，話佢朝早一起身發現自己手上面有隻好似大眼con咁嘅物體，以為係自己除完con就隨手掉啦。

點知再望真啲……原來係條百足蟲呀！冇事嘅，幻覺嚟嘅啫，嚇毛毛唔到嘅！

不過老老竇竇，到底間房要有幾污糟先可以有蟲跌落嚟？毛毛而家一諗起呢個網民曾經同條蟲蟲瞓過一晚，仲要好近距離咁同佢對望過就成身起晒雞皮喇……嗚哇！

圖片來源、資料來源：dcard1、dcard2