毛毛之前去台灣同日本旅行，一見到佢哋啲浸腳池就會好興奮㗎喇！事關呢啲池通常都位於郊區，行山行到攰之後去浸下對腳，你都咪話唔爽呀！不過可能毛毛讀書少，冇咩見識啦，乜原來而家興喺浸腳池浸埋全身㗎？

有台灣網民浸浸下腳嗰陣，驚覺身邊呢位大媽成身浸晒落個池度，當正呢度係露天溫泉咁樣樣呀！

正面浸又得，嚟個破冰轉身浸又得，得咗！計毛毛話，呢啲先叫做識得享受人生囉！啲池水吸收晒全部人嘅腳部精華，一定充滿營養嘅啫！識浸，一定係浸洗腳水！突破盲腸嘅嘢，你哋識條鐵咩！

咁大缸水，淨係用嚟浸腳會唔會嘥咗啲呀！呢個大媽就識得充份利用空間喇！因為佢最後仲走埋一邊，疑似修行咁樣樣?呀！既然係咁，毛毛都唔好意思阻住佢喇，冇咩事毛毛都去洗一洗腳先。

圖片來源、資料來源：李夢雅