人用嘅飲水機毛毛就見得多，但估唔到而家原來先進到，連蜜蜂都有專用嘅飲水機喇！

講緊嘅係呢間日本神社呀！佢哋見呢排天氣咁熱，所以就特登放咗個盆喺神社門口度，等啲蜜蜂覺得熱呀，或者係飛到攰嗰陣，就可以嚟呢個盆度飲啖水休息下，成件事真係好有愛呀！

間神社仲要細心到放埋塊告示牌喺後面，同大家講返其實只要我哋唔去搞班蜜蜂，佢哋都唔會毛啦啦針人，叫我哋唔使驚咁話喎～傻啦，什麼鬼都怕嘅毛毛又點會去搞佢哋喎，走都走唔切啦……不過話時話，有蜜蜂專用飲水機又點喎！呢部飲水機入面有青蛙?啦！

照咁睇嚟，呢隻青蛙仔都係喺度飲下水，休息緊啫！冇事嘅，冇事嘅！

圖片來源、資料來源：hitokoto0913／twitter